patters32的部落格

餵藥大法:

1. 將貓下扒向下拉, 令貓張口, 然後將藥掟入貓吊鐘位置。此仍成敗的關鍵, 千萬不要心急, 一定要瞄準才掟。吊鐘位口水較少, 粒藥無禁快溶, 如果粒藥溶咗會好苦(所以唔好將藥開水整溶), 佢會噴泡同發癲。而且吊鐘位條脷係撩唔到。

2. 合上貓口, 貓口在貓吞藥之前要一直保持向上, 向下輕掃喉嚨, 剌激佢做吞嚥動作。此時, 貓貓會好似點咗穴禁唔郁, 假裝吞咗, 等你一放手就佢用脷將粒藥頂番出黎, 你千祈唔好俾佢呃到。

3. 每10秒微微鬆手, 大概可讓貓把口張大1cm為合(貓口仍要保持向上), 測試貓貓吞咗未, 貓貓若此時想掙扎反抗, 表示未吞, 重複(2)步驟。有時貓會嘗試用條脷撩, 條脷一郁, 粒藥就會自動跌入胃, 搞掂。又或且佢d口水儲到禁上下, 被迫要吞, 就會順便吞埋粒藥。總之佢吞咗粒藥後就會本能地用脷舔人中位置, 如果佢一日未舔人中, 你都唔好中計放佢。

貓有肝病可能係先天問題, 或因後天營養過盛, 吸收唔切, 儲藏在肝內, 增加肝的負擔, 現在的貓糧營養已十分足夠, 不應再多給補品。或因食肉過量, 貓不應吃含高脂肪的肉如豬肉, 雞肉亦一星期1-2次已相當足夠。